TANGGONG na sa selda sa Pendatun Police Station sa GenSan ang usa person with disability (PWD) human naimbargohan og armas.
Matud ni Police Major Renato Dungca, hepe sa presinto atol sa pagpatrolya sa Mobile Patrol Unit (MPU) nakita nilang kaduda-dudang tawo.
Kini ang gihunongan og nakita nga nagbukol ang sling bag niini ug paghiling sa kapulisan nakita ang .38 revolver nga pusil kang Rey Cañete, 32-anyos, nagpuyo sa Barangay Labangal, GenSan. Nasikop ang nasangpit sa Corner Papaya Street, Barangay Dadiangas West, GenSan dungan sa ulahing adlaw sa filing sa COC atong Oktubre 08,2024. Sa karon dungan sa pag-file og kaso sa kapulisan batok sa dinakpan samtang gihulat ang resulta sa ballistic examination sa pusil.
Gisuta usab sa otoridad kung duna nay gikalambigitang krimen ang dinakpan. Samtang, giangkon sa dinakpan nga hinulaman niya sa higala ang naimbargohang pusil sa iyang posisyon. I Richel Gubalani
