Gidawat ug gi-rekognisar karon sa organizer sa Mister CDO 2024 ang mga pagpang-bash sa netizens bahin sa gisoot nga swimwear sa mga contestants.
Sumala ni Mister CDO Chief Operation Officer Reynante Pacheco Namocatcat nga dili na bag-o alang kanila ang mga negatibong komento sa katawhan o ang pag-stereotype sa usa ka tawo.
Usa matud pa sa mga unique nga kultura sa mga pinoy ang pagka-hilabtunon hinungdan nga nagpabiling pobre ang nasud.
Una na sab nga gipasabot ni Namocatcat nga puti ang ilang gipili nga sooton sa mga contestants isip pagpakita sa ilang inclusivity ug diversity nga walay paglantaw kung unsa ang gender o kultura basta naa sa ilang kasingkasing ang pag-pasundayag sa ilang kaugalingon.
