Kasong Resistance and Disobedience to an agent of person in authority ang atubangon sa isa ka minyong lalaki human gihagad og sumbagay ang mirespondeng pulis sa nahitabong disgrasya diha sa P-4, Brgy. Ampayon, Butuan City sa nakalabay’ng alas – 4:40 sa hapon.
Sa imbestigasyon sa Ampayon Police Station, gipakalma ang suspetsado sa biktimang pulis aron mahusay ang nahitabong aksidente sa maong lugar.
Inay magpatuo, gituklod sa suspetsado ang pulis dayong hagad og sumbagay ug gipamalikas.
Sa hitabo, daling gi-aresto ang nahisgotan ug gipriso sa nasangpit nga presento.
Ang biktima nailang si Patrolman Ismael Jade Tagalog, 25 anyos, minyo, nadestino sa Ampayon Police Station samtang ang suspetsado, nailang si Nestor Penedo Vallespin, 63 anyos, minyo, residente sa P-6 sakop sa maong barangay.
