LEGAZPI CITY – Halaba pa an prosesong isasagibo kan Sangguniang Bayan antes mareyalisar an propwestong pagbugtak nin Ospital ng Bayan kan Athena Developer sa banwaan kan Daraga, Albay.
Sa intrevista kan Brigada News FM Legazpi kay Vice Mayor Jungie Jaucian, sinabi niya na siring man, aadalan pa ini kan sanggunian huli ta bako man ini madali orog na ta minapuon pa sana an paglatag kan propwesto.
Segun saiya, an nasambit na kompanya, pighahagadan pa ki feasibility study kan sanggunian.
Apwera kaini, napag-olayan man an manungid sa lote na counterpart kan lokal na gobyerno sa nasambit na propwestong proyekto.
Importante su boot na adalan ini nin maray na dai masasayang an pondo kan gobyerno.
