CAMARINES NORTE- Binisita ni Assistant Secretary Darryl Villanueva ng Department of Human Settlement & Urban Development (DHSUD) ang proposed Resettlement Site sa Purok 1-A Brgy. San Roque, Mercedes Camarines Norte kahapon.
Ang lugar ay may sukat na 8.22 hectares na posibleng gawing relocation site ng mga residente na nasa danger zone katulad ng marine zone, homeless at apektado ng road clearing and widening.
Lumalabas na pasado sa initial assessment ng opisyal ang planong relocation site.
Dahil dito maaari na umanong magsumite ng mga kinakailangang requirements ang munisipyo sa DHSUD.
Kapag nakumpleto na ang mga rekisitos positibo ang LGU na magkakaroon na ng ground breaking ceremony bilang hudyat ng pagsisimula ng proyekto sa unang quarter ng 2023.
Sinamahan si Asec Villanueva ni Mayor Alexander Pajarillo sa pagbisita sa proposed Resettlement Site.
Kung maalala ay una nang nakipagpulong ang Alkalde kay DHSUD Secretary Jose Rizalino Acuzar para sa pagsasakatuparan ng programang pabahay.
(Photo: Mayor Alex FB)
