Amat-amat na nga nagabalik ang lokal nga produksyon sang karne sang baboy sa Capiz matapos madamo na ang mga pumuluyo nga nagahupot.
Suno kay Kapitan Roberto “Maaw” Roldan, presidente sang meat section sa Teodoro Arcenas Trade Center (TATC), didto na sila nagapamakal sang baboy sa banwa sang Dumarao kag Cuartero.
Dugang pa sini, madamo subong ang nagabaligya sang baboy nga buhi bangod naalarma sa liwat nga pagtuhaw sang African Swine Fever. | Judy Ann Juare
