KALIBO, AKLAN—Magapabilin nga sa idaeom it general community quarantine with heightened restrictions do probinsya it Aklan hasta sa July 31, 2021.
Raya hay suno sa pahayag ni Presidential spokesperson Harry Roque sa ginpatigayon nga virtual presser ku nagtaliwan nga adlaw.
Kaibahan man it Aklan nga magapabilin sa nasambit nga community quarantine status hay do Bacolod City, Capiz ag Antique samtang do Negros Occidental ag Guimaras hay sa idaeom man it general community quarantine (GCQ) hatsa sa katapusan ng buean.
Do Iloilo Province ag Iloilo City hay magapabilin nga una sa mas striktong enhanced community quarantine (ECQ) apisar nga nagaamat-amat eon nga naganaba do andang kaso it COVID-19 igto.
Nasayuran nga kadungan sa pagpaidaeom sa Aklan sa Aklan sa GCQ with heightened restrictions hay ginpatuman do nakasugtanan it 17 alkalde sa probinsya nga limitahan eamang sa 15 do igatao nga travel passes it LGU sa mga magapadueong sa banwa it Kalibo. // SHERRY ANNE REUNIR-VIDAL
