Sa pihak it natabo nga engkwentro sa tunga it mga tropa it military kuntra sa ginapatihan nga miyembro it militanteng grupo ku Abril 1 sa So. Maytaraw, Brgy. Dalagsaan, Libacao, nagapadayon nga insurgency-free gihapon ro probinsiya it Aklan.
Base pa sa report it Aklan Police Provincial Office – Provincial Intelligence Unit (APPO-PIB) ro nasambitan nga engkwentro hay uwa it direktang impact sa insurgency status it bieog nga probinsiya.
Dugang pa it taeatapan nga ro kahiwatan nga pareho kara hay normal eamang sa mga lugar kung siin maeapit sa mga borders it Iloilo, Aklan ag Capiz.
Ginkumpirma man it mga otoridad nga ro mga nadakop nga NPA hay haeos naga-operate sa borders it mga probinsiya sa Western Visayas kapin eun sa Iloilo, Aklan ag Capiz./JIL B. LACSON