Nakadakop it kabieogan nga 238 katawo ro Police Regional Office 6 (PRO-6) sa bieog nga Western Visayas bangud sa pag-eapas sa Comelec gun ban halin Enero 9 hasta Hunyo 8.
Sa 223 nga mga ginhiwat nga operasyon, nasamsam it mga kapulisan ro 137 nga mga armas ag 114 nga mga bladed weapons.
Base sa tala it ahensiya, ro Negros Occidental ro may pinakamaabong numero it mga naarestong persona nga nagaabot sa 80, ginsundan man it probinsya it Iloilo nga may 42, ag Aklan nga may 28./JIL B. LACSON
