Ginplastar eon it Police Regional Office (PRO-6) ro andang mga plano para masiguro ro maayos ag matawhay nga pag-obserba it Lenten Season sa masunod nga dominggo.
Nagtao eon man it marching order si PRO- 6 Director Police Brigadier General Flynn E. Dongbo sa tanan nga unit it PNP sa bilog nga rehiyon nga temprano nga ipatigayun ro andang mga plano ag tikang sa seguridad ag kasalbran it publiko.
Sa panahon ngara hay ginaeauman nga magadagsa o magabisita ro mga turista mapa lokal ag dumueuong sa mga simbahan, resort, mall ag terminal ag ginaeauman man ro pag gutok it trapiko sa pilang mga natumod nga lugar.
Igapakalat man it mga unit commander ro andang mga tawuhan sa mga strategic areas agud malikawan ro krimen ag para maprotektahan ro publiko nga mabiktima it mga lawless elements. / ANN DESLENE SALAZAR
