Ginmandu ni Police Brigadier General Leo M Francisco, Police Regional Office 6 Director ro pagkrear it Special Investigation Task Group (SITG) para mag eagas sa mga responsable sa Estancia, Iloilo shooting incident.
Ku nagtaliwan nga adlaw, hay nagpadaea it trained investigators sa Estancia, Iloilo para magbulig sa imbestigasyun sa insidente it pagpamaril nga natabo ku Setyembre 14, 2022, nga nagresulta sa pagkamatay it tatlong biktima.
Suno pa kay Francisco, ginmanduan man nana ro Chief, Regional Investigation and Detective Management Division nga magkrear it SITG para magpokus sa madasig nga pagresolba sa kaso.
Si Police Colonel Adrian V Acollador, Acting Provincial Director it Iloilo Police Provincial Office ro SITG “PALIBOSFER” Commander, sa idaeum it pagpamuno ni PCOL Martin E. Defensor, Jr., Deputy Regional Director for Operations it PRO6.
Ro SITG “PALIBOSFER” hay (Parohinog-Libao-Bosque and Fernandes).
Nagapati si Francisco nga ro insidente sa Estancia hay sangka importanteng kaso ag nagakinhangean eagi it resulta ngani dapat may una nga SITG.
Ro SITG hay ginaeauman nga magapatigayun it maid-id nga imbestigasyun adlaw-adlaw o weekly basis. / ANN DESLENE SALAZAR
