Gindayaw it Police Regional Office (PRO-6) ro Negros Occidental Police Provincial Office (NOCPPO) bangud sa kadaeag-an kara kontra sa illegal nga droga sa probinsya nga nagresulta sa pagkumpiska sa P8,868,447.00 nga balor it suspected shabu.
Suno kay Police Brigadier General Flynn E Dongbo, PRO-6 Director, halin it July 17 hasta 24, 2022, kapin sa 24 nga operasyon ro ginpatigayun kontra sa illegal nga droga sa bilog nga probinsya it Negros Occidental.
Sa nasambit nga operasyon, kabilugan nga 34 nga indibidwal ro naaresto halin sa nagkasari-sari nga syudad.
Bangud kara, gindayaw ni PBGen Dongbo ro pamunuan it NOCPPO ag RPDEU6 sa ginpabaskug nga kampanya kontra sa ilegal nga droga. / ANN DESLENE SALAZAR
