Nakatakdang bumisita sa bansa sa Nobyembre 10 si Timor-Leste President Jose Ramos Horta para sa state visit para palakasin ang relasyon ng Pilipinas at naturang bansa.
Ayon sa Presidential Communication Office (PCO) magiging misyon ni Horta sa pagbisita sa Pilipinas ang pagpapalakas sa kooperasyon ng dalawang bansa sa larangan ng political, technical, edukasyon at economic partnerships.
Masesentro ang state visit ni Horta sa pakikipagpulong sa mga opisyal ng Department of Foreign Affairs (DFA), Department of Trade and Industry (DTI), Department of Justice (DOJ), Department of Science and Technology (DOST) at Department of Social Welfare and Development (DSWD).
Matatandaang sa 42nd Association of Southeast Asian Nations (ASEA) tiniyak ni Pangulong Ferdinand Marcos Jr. kay Timor Leste Prime Minister Taur Matan Ruak ang suporta ng kanyang gobyerno para maging full-pledged member ang Timor-Leste sa ASEA.
