CAMARINES SUR- Makapal at mataas na usok ang nakita ng mga residente kahapon , nilalamon pala ng apoy ang poultry farm sa Calabanga , Camarines Sur.
Nangyari ito bandang alas 10:05 ng umaga nitong Miyerkules nang sumiklab ang sunog sa Sabaupan Poultry Farm sa Sitio Talacop Barangay Manguiring.
Habang nasa inspeksyon, nadiskobre ni Alejandro Sabaupan y Llorente, Assistant Manager ng poultry farm na may usok sa likurang bahagi ng building na may 15 na mga silid. Daan upang humingi siya ng tulong sa Bureau of Fire Protection Calabanga na kaulanan ay may augment din mula sa mga karatig bayan tulad ng Magarao , Canaman, Camaligan pati BFP Naga at San Fernando.
Alas 11:30 nag ideklarang fire out. Umabot sa ikatlong alarma ang sunog. Inaalam pa ng BFP ang sanhi nito.
Kahaharvest pa lamang ng manok nang mangyari ang insidente pero inaalam pa rin kung may mga natusta roon. Inaalam pa ang halaga ng pinsala.
