Gintagaan sa pagpasindungog ang tumandok sang Brgy. Malag-it, Pontevedra nga si Seth Luigi Borbon sang Clawseth Aquafarm sa ginhiwat nga National Young Farmers Challenge Program 2023 sa PhilRice-Crop BioTech Center (CBC), Muñoz, Nueva Ecija sang tinalikdan nga Hunyo 6.
Nahibaluan nga ginkilala ini bilang Top 1 sa Digital Agriculture Category Start-up Component – National Level bangud sa iya inisyatibo sa pagpasanyog sang aquaculture kag pagahatag sang bag-o nga standard sa patag sang digital agriculture.
Sa pagkortesiya sini sa gobyerno probinsyal, iya sini ginpresentar ang katuyuan sa pagtukod sang aquaculture farm nga nagasentro sa paghupot sang ulang ukon crayfish, isa ka sahi sang freshwater crustaceans kapareho sang pasayan kag kasag.| Frances Joy Preciosa
