Hindi na isinama ng Department of Environment and Natural Resources (DENR) sa kanilang 2022 budget proposal para sa rehabilitation ng Manila Bay ang pondo para sa “dolomite beach’ project.
Ayon kay DENR Undersecretary Jonas Leones, ang P1.6 bilyong inihahaing pondo dito ay ilalaan na lamang sa rehabilitation program ng mga ilog na konektado sa Manila Bay.
Gagamitin rin umano ang pondo na ito sa paglilinis ng mga creek at estero.
Mababatid na nakatanggap ng kritisismo ang gobyerno sa pagpapagawa ng dolomite artificial beach na nagkakahalaga ng P389-million sa kalagitnaan ng COVID-19 pandemic.
