MALAY, AKLAN—Ginpaidaeom sa lockdown do Malay Municipal Police Station Police Community Precinct (PCP) 4 sa Brgy. Caticlan, Malay, Aklan matapos nga may pilang mga naka-assign nga pulis do nakaangkon it close contact sa sangka COVID-19 patient.
Angot kara, gin-abisuhan nanda do andang mga kliyente nga makipag-transaksyon sa andang PCP5 sa Brgy. Poblacion, Malay eabi eon kung nagakinahangean it police assistance samtang ginataw-an it daean do pagpapatigayon it disinfection, sanitation ag close contact tracing.
Nasayuran nga ginahueat eon lang sa makarun do resulta sa haeos 80 ka mga pulis nga ginpaidaeom sa swab test kung siin do pila sa mga raya hay naka-quarantine eon. // SHERRY ANNE REUNIR-VIDAL
