Kulang-kulang isang buwan bago salubingin ang 2023 – mas pinalakas pa ng Philippine National Police (PNP) ang kampanya nito laban sa mga iligal na nagbebenta, nag-aangkat, at gumagawa ng mga paputok.
Ayon kay PNP Firearms and Explosives Office (FEO) Col. Paul Kenneth Lucas, hindi bababa sa sampung mga illegal firecrackers importers ang kanila nang nakasuhan.
Maliban pa rito, mayroon pa umano sialng fina-follow up sa bahagi ng Region 3 kasama na sa Bulacan, at ilang mga areas sa Cebu.
Napag-alaman kasing mayroong iilang mga nagi-smuggle ng mga paputok at ire-repack para magmukhang gawa ito sa Pilipinas.
Paliwanag ni Lucas – mahigpit na ipinagbabawal sa batas ang importation ng mga finshed products na paputok at pailaw.
Matatandaaang sa mga nagdaang linggo – dalawang insidente ng pagsabog ng mga iligal na pagawaan at imbakan ng paptuok ang naitala kabilang na sa Calamba, Laguna; at sa Sta. Maria Bulacan.
#
