Sa December 3 nakatakdang magretiro si PNP Chief PGen. Benjamin Acorda Jr.
Bagamat wala pang lumulutang na susunod na magiging hepe ng Pambansang Pulisya, may naiisip na raw si Gen. Acirda na papalit sa kanyang posisyon.
Pero aniya mahirap pangunahan si Pangulong Ferdinand Marcos Jr. sa pagpili ng bagong PNP Chief.
Kanina, sinimulan ni Acorda ang pamamaalam bilang ika-29 na pinuno ng Pambansang Pulisya sa kaniyang “Alma Mater” ang Philippine Military Academy o PMA sa Baguio City.
Dito, nagpasalamat si Acorda sa akademiyang humubog sa kaniya ng 37 taon bilang miyembro ng unipormadong hanay
Sa kaniyang pagreretiro, sinabi ng PNP Chief na kaniyang iiwanan ang PNP na pinagkakatiwalaan ng publiko dahil sa mataas na trust at approval ratings.
Una nang lumutang na papalit bilang PNP Chief sila NCRPO Chief PBGen Jose Melencio Nartatez Jr. at CIDG director Major General Romeo Caramat Jr.
