PABOR si Dr. Fidel Peñamante, Presidente sa Philippine Medical Association Gensan-chapter nga ibalik ang pagsuot og faceshield sa mga close spaces kung ugaling makasulod na sa nasod ang Omicron virus nga bag-ong variant sa CoVid-19.
Matud niini wala pa nahuman ang pandemya ug layo pa ang ihap sa mga nabakunahan gikan sa 70% target herd immunity sa syudad. Busa kinahanglang magtinabangay sa pagpatuman sa mga health protocols. Ug hagit ni Dr. Peñamante sa mga katawhan ang pagpabakuna.
Kahinumdoman nga gitanggal ni Pangulong Rodrigo Duterte ang mandatory nga pagsul-ob og face shield human ang ilang assessment nga wala kini apekto sa pagpakgang sa Covid-19, gawas na lang kong e-require sa lokal nga panggamhanan nga nabutang sa alert level. Dugang niini, labing maayo gihapon nga hugtan sa gobyerno ang restriction sa pagdawat og mga bisita gikan sa gawas sa nasod aron malikayan ang pagkaylap sa bag-ong variant sa virus. (Enamie Mogpon)
