GILATAG sa mga executive officials sa LGU-GenSan sa roundtable event ang mga plano alang sa kalambuan sa siyudad.
Kini dungan sa gipahigayong business forum sa General Santos City Chamber of Commerce, Inc. (GSCCCI)sa pagpanguna sa Presidente nga si Miguel Rene Dominguez.
Matud ni Leonard Flores, labaw sa City Economic Management and Cooperative Development Office (CEMCDO) dunay kalamboan sa Makar wharf, fishport complex ug airport.
Plano usab sa LGU nga palambuon pa ang halal industry ug fishing industry sa GenSan.
Sa bahin usab ni Dominguez, usa sa makatabang sa pagpalambo sa siyudad ang daghang investment nga mosulod.
Asa usa sa makaawhag sa daghang kapitalista mao ang hugot nga pagpatuman sa ease of doing business. I Richel Gubalani
