Sangka pinasahe nga higanteng bueak nga ginatawag nga Rafflesia lobata ro nakita it team it Provincial Environment and Natural Resources Office (PENRO-Aklan) sa Barangay Maria Cristina, Madalag, Aklan.
Nakita raya it team sa pagbisita sa sangka parte it site it National Greening Program (NGP), sangka reforestation initiative it national government.
Ro Rafflesia lobata, nga kilaea sa paghimo it aerial buds, pilang metro sa ibabaw it eugta ag makita eamang sa Panay ag Negros Occidental hay gintumod bilang “vulnerable” suno sa Department of Environment and Natural Resources (DENR) Administrative Order 2017-11. // ANN DESLENE SALAZAR
