Nag noise barrage o protesta ru pilang ka mga health workers it Dr. Rafael S. Tombukon Memorial Hospital sa prente mismo it hospital kahapon it agahon.
Base sa paninggiton it mga health workers, gustong taw-an it attention ni Aklan Governor Florencio Miraflores ru injustice o bukon it tama nga panwelduhan.
Suno sa mga health workers, mas gin paboran pa nga dugangan ru sweldo it mga bag-ong mga nurses kaysa kanda nga mabuhay eon nga naga trabaho sa nasambit nga hospital.
Gin hinyo it mga raya si Miraflores it itao ru Special Risk Allowance (SRA) nga uwa pa nabaton humalin it December hasta it Hunyo ag dapat na madugangan ru monthly salary nga P8,000.//MARIVIC Y. ILIN
