Ginpahayag it pila ka mga guardians ag estudyante ro andang pagkadismaya sa bukon it organisado nga pagpanupod it financial aid it Department of Social Welfare and Development (DSWD) sa Region 6.
Base sa sambilog ka 42-anyos nga nany halin sa Zarraga, Iloilo, gutom ag kapoy ro gin-agyan it gusto nga maka-avail it cash assistance, maabo pa kanda ro nadueaan it animo.
Base sa lokal nga gobyerno, uwa it logistic ro DSWD Region 6 para atubangon ro mabahoe nga numero it mga benepisyaryo.
Gintawag pa raya nga “stupid planning” ni Mayor Jerry Treñas it Iloilo City.
Ro pila man hay nagpaguwa it andang pagkadismaya sa social media ag kumplikado ro gingamit nga mga tinaga para ipaathag ro andang sitwasyon.
Bilang sabat it DSWD, bag-uho it teatapan ro andang pamaagi sa pagpaguwa it bulig pang-edukasyon sa masunod./JIL B. LACSON