Ro Provincial Internal Affairs Service hay sangka disciplinary body it PNP nga nagabatun it reklamo kontra sa mga PNP personnel.
Raya ro ginhayag ni Police Captain Rogem Batacandolo, OIC it Provincial Internal Affairs Service (PIAS-Aklan) sa interview kana it Brigada News FM Kalibo.
Nagabulig man segun ro PIAS sa pagdisiplina ag nagpatigayun it summary hearing sa mga abusadong pulis.
Gin-eksplikar man ni Batacandolo nga ro IAS Desk hay sangka programa ag paagi agud ro publiko hay mataw an it kahigayunan nga makapaabot it andang concern o reklamo kontra sa mga pulis ag sa PNP organization.
Mahimo segun nga makapaeapit ro publiko sa IAS Desk kung may reklamo raya sa pulis.
Ginklaro man ni Batacandolo nga bukon eang it reklamo kontra sa pulis ro andang ginabatun kundi pati man ro mga mayad nga inubra it mga pulis.
Tinutuyo it IAS Desk nga mapaeapit ro mga kapulisan sa komunidad ag maresolba ro anumang reklamo sa tamang proseso.
Nasayuran nga ro kada Municipal Police Stations hay may una nga IAS Desk. // ANN DESLENE SALAZAR
