Muling nakapagtala ang PHIVOLCS ng isang minor phreatic eruption sa main crater ng Bulkang Taal.
Na-monitor ito kaninang 07:21am.
Nakuhaan ng thermal camera at ng Daang Kastila Observation Station (VTDK) at IP camera sa Taal Volcano Observatory (TVO) sa Brgy. Buco, Talisay, Batangas ang naturang phreatic event.
Nagbuga ito ng 2800-meter-high eruption plume na napadpad sa direksyong pa-timogkanluran.
Mayroon ding naitalang dalawang volcanic tremors na may dalawang minuto ang haba.
Nananatili naman sa alert level 1 ang bulkan.
