LEGAZPI CITY – Planong tutukan kan gobyerno-probinsyal kan Albay an mga programa sa mental health, nutrisiyon, asin psychosocial care para sa mga bakwit kan Bulkang Mayon.
Segun sa Albay Public Safety and Emergency Management Office (APSEMO), an mga pigpaplanong programa, para sa mga naapektaran kan Mayon orog na sa mga aki na labi sa 3 bulan nang nagtitiner sa mga evacuation centers.
Masumiter man su buot an opisina sa Department of Health (DOH) kan mga magkakanigong esfuerso oras na maisapinal na an pigigibong Mayon recovery program.
Nagpaabot naman an DOH nin suporta sa probinsya para sa health rehabilitation programs mantang papangenotan man kan Provincial Health Office (PHO) an nasambit na mga lakdang para sa salud.
