SORSOGON CITY – Kinumpirma ng Provincial Employment Service Office (PESO) – Sorsogon na hanggang ngayon ay wala pang-abiso sa kanila ang Department of Labor and Employment (DOLE) Sorsogon para sa bagong batch ng magiging benepisyaryo ng Tulong Pangkabuhayan sa Ating Displaced/Disadvantages Workers (TUPAD) Program.
Ang pamamahagi kasi ng pay-out sa nasa 9K indibidwal na nasa listahan ng TUPAD ang prayoridad sa kasalukuyan kung saan kailangang tapusin ang pay-out bago magtapos ang buwan ng Agosto.
Pagtitiyak ng ahensya, sa oras na magbigay na ng ‘go signal’ ang DOLE ay agad nila itong ipapaalam sa mga barangay na siyang tatanggap ng mga aplikasyon para makapasok sa programa.
Sa ngayon, tanging mga benepisyaryo na lang mula sa mga bayan ng Gubat at Pto.Diaz ang hindi pa natatanggap ang kanilang sahod mula sa nasabing programa.
