NAKAPASAKA na og kaso ang Pendatun Police Station sa gitudlong responsabli sa pagpusil patay sa usaka tricycle driver nga taga New Society, Brgy. Apopong kaniadtong Hulyo 6, 2022.
Subay sa progress report sa Pendatun Police Station Hulyo 12 ilaha na nga gipa-subscribe sa Prosecutors Office ang impormasyon adunay docket Number 22G-00988 sa kasong pagpatay.
Duha ka tawo ang gitudlo nga responsabli sa kremin, nailhan ang mga nahisgotan ug nasayran nga aduna silay bangi ngadto sa biktima nga si Victor Viagedor, 42-anyos.
Kahibaluan nga nahitabo ang pagpamusil sa tricycle driver kaniadtong July 6 pasado alas 11 sa udto samtang nagamaniho sa iyang tricycle sa dalang Sampaguita kanto Zapote sakop sa Barangay East.
Naigo kini sa likod, nadala pa sa Dr. Jorge P. Royeca Hospital apan namatay, hustisya usab ang ginasinggit sa pamilya sa biktima.
Sa bahin sa pangulo sa pula nga cluster sa tricycle sa Barangay Apopong kung asa nasakop si Viagedor sumala ni Josue Fernandez nga membro nila ang biktima ug nasubo usab sila sa nahitabo mao nga nagapasalamat sila kon napasaka na ang kaso batok sa gitudlong mga responsabli aron molihok na ang hustisya. I Ver Diazon
