Matapos sa banwa it Nabas, nagpatigayun man it daywang adlaw nga Peer Education training ro Aklan Provincial Population and Gender Office sa banwa it Tangalan ku Nobyembre 12-13, 2022.
Ro nasambit nga aktibidad hay sa pagbueoligan it AKPPGO ag LGU Tangalan pinaagi it Tangalan Municipal Health Office kung siin, madinaeag-on nga nakatapos it training ro 31 ka pamatan-on halin sa 15 mga barangay.
Ro mga bag-ong peer educators hay magabulig sa MHO sa pag-implementa it Adolescent Health and Development (AHD) Program sa banwa pinaagi it pagpa-eapta it impormasyon kaangot sa paglikaw sa teenage pregnancies, HIV/AIDS, mental health awareness, ag iba pang youth related health problems. / ANN DESLENE SALAZAR
