Hakot award ro pilang Aklanon sa gin-intrahan kara nga “6th Piña Weaving Competition” sa Glorietta Activity Center and Palm Drive Activity Center, Makati City nga ginhiwat ku October 13-15, 2023.
Grand Winner ro “Peacock” ni Marilyn Almero it La Herminia; 1st runner up man ro”Piña Ina” ni Raquel Eliserio; 2nd runner up ro “Argye Pattern on Piña Seda” ni Anna India Legazpi it Heritage Arts and Culture; Nadres Outstanding Young Weaver Award ro “Insecta” ni Zairel Rebusta; ag nabuoe gihapon ro Filip + Inna Innovation Award it “Peacock”.
Nasayuran nga raya ro kauna-unahang kahigayunan nga nag-intra ro probinsya it Aklan sa Likhang HABI Market Fair, nga sa 13th year eon.
Ginpasaeamatan man ro Provincial Government of Aklan pinaagi it PGO-Aklan Tourism and Trade Investment Promotions Center (ATTIPC) nga nagbulig para makaintra sa kompetisyon ag mai-showcase ag maibaligya ro mga produkto it Micro, Small, Medium Enterprises (MSMEs) sa Aklan. // ANN DESLENE SALAZAR
