Nagpromiso ro Philippine Drug Enforcement Agency (PDEA-Aklan) nga mas pabaskugon pa ro anti-drug efforts sa isla it Boracay.
Base sa pahayag ni Provincial Officer Investigation Agent V Jane Fatima Tuadles, ginsapinal eun it andang taeatapan ro sambilog ka Memorandum of Agreement (MOA) kaibahan ro Philippine National Police, ag Department of Tourism (DOT).
Ro MOA hay tuyo nga mabuoe ro suporta halin sa mga tourism stakeholders it isla ag pabaskugon pa ro koordinasyon sa tunga it mga law enforcement agencies ag DOT paagi sa Tourism Operation Against Illegal Drugs (TOP-AID).
Sa makara, walo nga buy-bust operation eun ro narekord it PDEA-Aklan sa kabieogan nga probisniya it Aklan halin Enero hasta Marso nmakarang dag-on. Sa nasambitan nga numero, pito ka mga indibidwal kaeakip ro daywa ka mga babaye ro nadakop./JIL B. LACSON
