Gikomperma sa Dinagat Islands Congressional Office nga mitaliwan na sa laing kalibotan ang lider sa Philippine Benevolent Missionaries Association, Inc. (PBMA) nga si Grand Master Ruben Ecleo Jr..
Sa pahayag ni Elmer Ecleo, namatay si Ruben tungod sa sakit nga Liver Cirrhosis
Una nang gikomperma ni NBP spokesman Gabriel Chaclag nga tulo ka adlaw ug tulo ka gabii nga na admit si Ecleo didto sa Dr. Sabili General Hospital, Taguig City tungod sa sakit sa atay.
Madumdoman nga si Ecleo, gidakop adtong Hulyo 2020 sa probensya sa Pampanga sa kasong pagpatay.
Siya ang gitudlong nipatay sa kaugalingong asawa nga si Alona Bacolod-Ecleo adtong Enero 5, 2002 sulod sa ilang balay sa Banawa, Brgy. Guadalupe, Cebu City.
Gawas niana, nakonbekto usab kini sa Cebu City Regional Trial Court sa tulo ka ihap sa kasong Graft and Corruption.
