Pinangunahan ni Pangulong Bongbong Marcos ang isinagawang seremonya kaugnay sa pagdiriwang ng Araw ng Kalayaan ngayong araw sa Luneta Park, partikular ang pagtataas ng bandila ng Pilipinas at ang pag-aalay ng bulaklak sa bantayog ng bayaning si Jose Rizal.
Kasama ng Pangulo si First Lady Liza Araneta Marcos at ang kanilang mga anak.
Dumalo rin sa aktibidad ang mga opisyal mula sa iba’t ibang ahensya ng pamahalaan pati na ang Gabinete ng Pangulo.
Samantala, sa flag raising ceremony kanina, kasama na sa inawit ang himno at panata ng Bagong Pilipinas.
