PBBM, nanindigang unti-unti nang gumiginhawa ang buhay ng mga Pilipino

Winelcome ni Pangulong Bongbong Marcos ang pagbagal ng inflation rate ng bansa mula sa 6.6% noong Abril – pababa ng 6.1% nitong Mayo.

Ayon kay Marcos, pagsusumikapan pa raw ng kaniyang administrasyon na palakasin pa ang mga programa nila para sa ekonomiya.

Read More:  Marcos declares 2026 ASEAN Summit a success

Dagdag ng pangulo, batid daw ng kaniyang gobyerno ang hangarin ng mga Pilipino para sa mas maginhawang pamumuhay.

Ngayong naitala sa apat na sunud-sunod na buwan ang pagbagal ng inflation – sinabi ni Marcos na unti-unti na raw nakakamit ang kaginhawaang ninanais ng mga Pilipino, na patunay na nasa tamang direksyon ang pamahalaan para mapababa pa sa abot-kayang presyo ang mga bilihin.

Read More:  Marcos Seeks more foreign investments at APEC Summit

Kung maaalala, ang 6.1% na inflation nitong Mayo ay mas mataas pa rin sa 5.4% na inflation rate noong nakaraang taon sa kaparehong period.

Sa kabuoan, ang year-to-date inflation na ay 7.5% – higit pang malayo sa target na 2-4%. //LGD, edited MHEL PACIA