Inaasahan na ilalabas ng Senate Blue ribbon committee ngayong linggo ang partial report ng imbestigasyon nito kaugnay sa mga anomalya umano sa procurement ng P42-billion na halaga ng COVID-19 supplies.
Isasagawa rin ng komite, na pinangungunahan ni Senator Richard Gordon, ang ika-12 at huli nitong pagdinig bukas.
Matatandaan na naghain si Pangulong Rodrigo Duterte ng memorandum na nagbabawal sa mga opisyal ng Ehekutibo na magpartisipa sa inquiry.
Samantala, naniniwala naman si Gordon na posibleng umabot sa Malacañang ang imbestigasyon nito matapos madawit sa isyu ang dating economic adviser ng Pangulo na si Michael Yang.
