Hindi nakapunta si Pangulong Bongbong Marcos sa bayan ng Odiongan, Romblon kaninang umaga dahil sa sama ng panahon.
Pangungunahan sana ng Pangulo ang pamamahagi ng Presidential Assistance to Farmers and Fisherfolks na lubhang naapektuhan ng nagdaang El Niño.
Sa halip, si Department of the Interior and Local Government o DILG Benhur Abalos ang humalili sa Pangulo.
Si Abalos na rin ang nagbasa ng talumpati ni Pangulong Marcos.
Sa kabuuan nakapamahagi ang pamahalaan ng higit 116 million na financial assistance sa mga benepisyaryo galing Romblon, Oriental at Occidental Mindoro.
Samantala, ngayong hapon ay cancelled din ang kaniyang pagdalo sa inagurasyon at turn-over ng Rice Processing System sa Piddig, Ilocos Norte dahil din sa sama ng panayon.
