LEGAZPI CITY – Arestado sa sinagibong drug buy-bust operation an sarong panadero sa Purok New Road, Brgy. Banawan, banwaan kan Pio Duran, Albay.
Binisto ining si alyas Eking, 39 anyos asin residente kan Purok 7, Brgy. La Medalla kan kaparehong banwaan.
Ikinondusir an operasyon sa paagi kan pinagsarong esfuerso kan Pio Duran Municipal Police Station sa pakikipagtabangan sa Philippine Drug Enforcement Agency (PDEA) Bicol na nagresulta sa pagkakaarestar kan suspek asin pagkakakumpiskar kan duwang selyadong sachets nin pinagtutubudang marijuana leaves, asin buy-bust money.
Apwera kaini, narekober pa an apat na selyadong sachets nin dried marijuana leaves asin mga non-drug items.
Nagtetenir na ini sa kustodiya kan pulisya para sa magkakanigong disposisyon.