Bumisita sina Pampanga Governor Dennis “Delta” Pineda sa South Korea kasama ang mga opisyal ng League of Municipalities of the Philippines-Pampanga chapter.
Pinangunahan ng Gobernador ang trade, labor at agriculture mission sa Jeollanam-do province sa SoKor.
Pumirma rin si Pineda ng memorandum of understanding sa Yeongam-gun.
Aniya, may labor shortage sa Yeongam-gun kaya’t hinikayat nito ang political at business leaders nila na mag-hire ng mga Kapampangan dahil masisipag at mapagkakatiwalaan umano ito at handa silang matuto ng Korean language.
Ayon kay Pineda, ang official visit nila sa South Korea ay bahagi ng pagsisikap nilang maibangon ang lalawigan mula sa pandemya dulot ng COVID-19.
