Nagahueat eon lang it opisyal nga resulta it autopsy ro pamilya it 7yo nga unga nga baye nga ginbuno-patay it 14yo nga binatilyo sa Brgy. Cawayan, New Washington, Aklan.
Sa interview it Brigada News FM Kalibo sa tatay it biktima nga si Jayson Valencia, base segun sa inisyal nanda nga pag istorya ku nag-autopsy sa bangkay it anang unga, ginhana gid man nga himuslan ro biktima bangud may gisi ro hymen kara.
Ag bisan sambilog segun ro igu it pagbuno hay naabot gid ro baga, tina-e ag atay it unga ag matsa gintinuslok pa ro daywa ka mata it biktima.
May posibilidad man segun sa tatay it biktima nga Rape with Homicide ro magiging kaso it suspek nga 14 anyos.
Apela man it pamilya ku biktima sa pamilya it suspek nga isurender eon nanda ro 14 anyos nga binatilyo.
Gin-insister it ama it biktima nga matapos i-eubong sa Disyembre 30 ro unga hay paga-asikasuhon nanda ro kaso ag indi segun sanda magpa-areglo eabi pa ag patay eon ro biktima ag indi eon maibalik pa ro kabuhi kara. / ANN DESLENE SALAZAR
