Naga-asa ro pamilya Ambay nga maangkon ro hustisya sa pagkamatay it andang kamanghuran nga unga matapos nga ma-inquest ro prime suspect sa Kalibo, Aklan ku Hunyo 11.
Pilang adlaw matapos ro pagpatay kay Bonna Hercia G. Ambay, gin-umpisahan eun it mga otoridad ro kaso kuntra kay Mark Archie Rebenito Torrefiel, ro suspect sa nasambitan nga krimen.
Matandaan nga namatay ro biktima bangud sa severe blood loss halin sa naangkon nga 18 ka mga saksak sa maeain-eain nga parte it eawas.
Sa presente, indi gihapon mabaton it tatay it biktima nga si Mr. Bonifacio Ambay Jr. ro pagkamatay it anang babaye nga unga pero nagapasalamat gihapon imaw sa Philippine National Police sa insigida nga pagdakop kay Torrefiel./JIL B. LACSON
