Naka-eksperiensya ro Western Visayas it 36 porsyento nga pagnaba sa produksyon it paeay okun unmilled rice sa second quarter it 2024, base sa Philippine Statistics Authority (PSA) Region 6.
Ro mabahoe nga pagnaba sa produksyon hay posibleng seryosong makaapekto sa rehiyon particular sa seguridad sa pagkaun ag pangabuhian it mangunguma.
Sa presente, nagnaba it 31.8 percent ro kabilugan nga lugar nga gin-ani sa rehiyon, nga nagrehistro it 28,546 ektarya halin sa 41,833 ektarya ku second quarter it 2023.
Ro Capiz ro may pinakamabahoe nga pagnaba nga umabot sa 19.9 percent points, sinundan it Aklan nga may 5.6 percent points, samtang ro nabilin nga mga probinsya hay naglista it pagnaba it mas manaba sa tatlong porsyento. // ANN DESLENE SALAZAR
