HUWASAN ang mga plahubog human madakpan sa mga tinugyanan sa balaod sa may Brgy. Catadman Manabay, Ozamiz City pinetsahan kaniadtong Hulyo 25, 2021.
Matud pa PCOL ROLINDO M. SUGUILON, nga alas 12:10 sa buntag sa susamang petsa, ang mga kawani nga nakaduty sa istasyon, nakadawat usa ka tawag sa cellular phone, gikan sa nagpakabana nga lungsuranon nga nagpahibalo adunay nag-inom nga nakadisturbo sa mga lumulopyo.
Giila ang mga suspek nga sila si ALEJANDRO PINDO CONATO, 59 anyos, minyo, wala’y trabaho, ug ang giilang si BOBBY PARAN ORTEZ, 49 anyos, minyo, trabahador sa konstruksyon, parehas nga residente sa Brgy. Catadman Manabay, Ozamiz City.
Sigon pa, nga ang mga personahe sa estasyon, nga ubos sa pagdumala ni PLTCOL PETER RHYAN B. REVILLAS, Officer In-Charge sa Ozamiz CPS, diha-diha dayon nga miadto sa naasoy nga lugar, ug pag-abot didto, malampuson nila nga nadakpan ang mga suspetsado, tungod sa kalapasan sa Alarm and Scandal (Art . 155 sa RPC)._BNFM Oroquieta
