NAGA CITY – Tuloy na ang paghahanda ng local na pamahalaan ng Naga sa magiging mga aktibidad sa paparating na pagnunita ng Semana Santa ngayong taon, sa ilalim ng Alert level 1 classification.
Kahapon nagkaroon na ng coordination meeting ang mga parokya ng Naga, na dinaluhan ng ilang mga personahe ng Naga City Police Office (NCPO) , Public Safety Office (PSO) at ng City Events Protocol and Public Information Office (CEPPIO).
Ito’y bahagi na rin ng pagtupad sa executive order na inilabas ni City Mayor Nelson Legacion na nagbibigay permiso sa foot processions .
Sinabi sa Brigada News FM Naga ni San Francisco Punong Barangay Efren Nepomuceno na inaasahan na nila ang mahabang pila para makalapit sa imahe ni Hesus; Amang Nazareno man o Amang Hinulid.
Humingi narin sila ng police assistance para may mangalaga sa seguridad ng mga deboto.
