Gimando karon ni Misamis Oriental Governor Yevgeny ‘Bambi’ Emano ang pagpasa og RT-PCR test matag semana sa office of the Administrator sa mga dili bakunado nga empleyado batok Covid-19 sa Kapitolyo Probinsiyal.
Pinaagi sa gipahigayong Weekly Flag-raising gibutyag ni Governor Emano nga mandato kini gikan kay Presidente Rodrigo R. Duterte ang maong kamandoan.
Dugang sa gobernador nga dili niya gusto nga mag-imposar kabahin niini apan rule kini sa Presidente nga angay pagatumanon samtang gipa-andam na niini ang Memorandum kay Atty. Joy Mateo alang sa hingpit nga pagpatuman.
Gustohon man sa Gobernador nga sabton ang tanan apan naghangyo kini nga sabton usab ang kaayuhan nga mahatag sa matag empleyado kung sila bakunado na batok sa makamatay nga Covid-19.
