Iregulate na sa lokal nga paggamhanan sa Mati City ang paggamit ug operasyon sa tanang matang sa mga drones pang-commercial o recreational use sa mga lugar nga nahisakop sa maong syudad.
Kini pinaagi sa napasa nga City Ordinance No. 489 Series of 2021 o Drone Regulation of the City of Mati nga giaprubahan sa miaging Hulyo 13, 2021 nag kasamtangang pang gipanday ang Implementing Rules and Regulations.
Tungod niini kinahanglan nang iparehistro sa Mati City Public Safety Office sa pakig-alayon sa Civil Aviation Authority of the Philippines pinsubay sa Republic Act 9497 o ang Civil Aviation Authority Act of 2008 ang tanang mga drones ug ubang Unmanned Aerial Vehicles.
Ang pagpasa sa maong ordinansa may koneksyon usab sa hisgutanang pang seguridad kontra sa bisan unsang matang sa kriminalidad ug terorista nga mogamit sa maong kahimanan sa dautang plano.
Ayha magparehistro, kinahanglan una nga mopailawum sa orientation ang mga nanag-iya aron ipasabot ang mga restricted zones o “no-fly zones”, sama sa aerodrome nga mas gaan nga gibawal gikan walo hangtud 10 ka kilometros gikan sa airport.
Unod sa maong balaud ang pipila ka probisyon sama sa mga penalidad sama sa P1,000 nga multa sa first penalty; ug P3,000 multa sa musunod nag pagsupak ug pagkumpiska drone.
Sa mulapas sa no-fly zones kon restricted airspaces, dunay P5,000.00 ang ipahamtang nga penalidad sa mga musupak lakip ang pagkumpiska sa drone.BNFM-DAVAO
