LEGAZPI CITY – Bako su boot basehan an nahihiling na paglangkaw nin kaso kan rabies sa Albay o nagdadakol na numero kan mga nakakagat ki ayam asin ikos nganing ibugtak ini sa irarom kan state of calamity.
Segun ini kay Sangguniang Panlalawigan ng Albay Committee on Laws, Rules and Oversight Chairman Board Member Atty. Melissa Abadeza-Armedilla, kun sain sinabi niya sa intrevista kan Brigada News FM Legazpi, pighihiling dapat an proseso sa pagdeklara kaini.
Saro kaya su boot sa criteria digdi, dapat an Provincial Disaster Risk Reduction and Management Office (PDRRMO) an magrekomendar bilang basis sa deklarasyon.
Segun pa sa opisyal na apwera digdi, kaipuhan at least 20% kan populasyon an apektado kan rabies nganing madeklarar an state of calamity, pero an sabi su boot kan Provincial Veterinary Office, nasa 6 an positibo sa rabies.
