Malaumon ang kagamhanang lokal ubos sa administrasyon ni Mayor Rolando “Klarex” Uy, pinaagi sa CLENRO o City Local Environment and Natural Resources Office, nga pursigidong tumanon sa bag-ong garbage contractor ang pagpatuman sa kahinlo sa syudad diha sa pagkolekta og basura matag adlaw.
Matud ni Engr. Armen Cuenca, hepe sa Clenro, nga istriktong paga-subayon sa Jomara/Tensil Corporation, kinsa maoy bag-ong garbage collector, ang pagdumala sa ilang mga personahe ilabina ang inadlaw-adlaw nga operation niini.
Gani man, dugang ni Cuenca nga dili magpanuko ang Jomara/Tensil Corp. sa pagpahamtang og tukmang silot sa ilang mga personahe kung dili mahatag ang saktong serbisyo sa katawhan sa Cagayan de Oro.
Subay niini, gipasabot ni Cuenca nga maplastar na sa dili madugay ang schedule sa pagpangolekta sa basura dinhi sa syudad. -END-
