NAGA CITY –Nakahanda na ngayon ang COMELEC-Naga sa posibleng pagdagsa ng mga magpaparehistro dahil sa bakasyon sa eskwela.
Ito ang pagtantiya ni Naga City COMELEC Officer Atty. Maico Julia Jr.matapos na umabot na sa mahigit pitong libo ang naitala nilang bagong mga nagparehistro mula ng sila ay magsimula nitong Pebrero.
Kabilang sa mga inaasahan nilang magpaparehistro ay ang mga estudyante na umuupa at nakatira na halos sa lungsod na ang layunin ay makapag avail naman ang mga ito ng programa ng lungsod tulad ng sa educational scholarship program na hindi nila nakukuha sa kani-kanilang sariling lokal na pamahalaan.
