PADAYUN lang sa katuyuan ang Paaral Para sa Sarangan (PPSS) scholarship program nga makatabang sa mga kabus apan deserving Sarangan students nga gusto nga makakuha og kurso sa kolehiyo.
Niadtong Agosto 1, anaa sa 57 PPSS graduates gikan sa nagkadaiyang munisipalidad sa Sarangani Province ang mitambong sa Scholars’ Recognition Day sa Capitol gym.
Ang mga graduates asa 13 ang Cum Laude gikonsidera ni Glenda Revaño, PPSS program coordinator nga sila ang mga unang batch ilalom sa K to 12 program.
Ang PPSS scholarship program gimugna kaniadtong 2002 pinaagi sa inisyatibo ni kanhing Governor Miguel Escobar ug gipadayun sa misunod kaniya nga si kanhing Governor Migs Dominguez. Gisustinir kini hangtud niadtong 2021 ni kanhi governor ug karon Congressman, Steve Chiongbian Solon,ug gipadayun karon ni Governor Rogelio “Ruel” D. Pacquiao.
Ang mga graduates ang 18th batch sukad ang kamugnaan sa PPSS scholarship program. Dugang ni Revaño ang maong batch ang adunay pinakadaghang graduates nga adunay Latin honors. Kasamtangan ang PPSS scholarship program adunay 534 active scholars.
